Ég er flutt á annað blogg http://magneafr.blog.is Ég læsti því, þannig að þið þurfið að biðja um lykilorðið

Um helgina var haldin veisla fyrir öll börnin og létu bara flestir sjá sig Þetta heppnaðist allt bara mjög vel og voru krakkagrísirnir bara ánægð með daginn. Fengu allveg fullt flott og einhverja peninga, og Alma Rún og Bergþór Örn keyptu sér svaka flott hjól fyrir sinn pening Svo er bekkjarafmælið eftir og þá verður sko svaka stuð á mínum bæ
Á sunnudeginum fórum við svo í sveitaferð með leikskólanum hennar Kamillu og var það bara salla fínt
Ég fer alveg að detta í hálfsmánaðar sumarfrí Það er ýmislegt á planinu þá eða útilega og svo verður stelpuferð í sumarbústað í alveg 5 daga, oh hvað það verður gaman hjá okkur stelpunum (reyndar verður einn gaur með líka)

En vá hvað ég skil ekki eina manneskju í augnablikinu  Hefur bara samband þegar hentar, vá En bara greyið , sýnir held ég bara best innri mann

Ég var stödd hjá hjartalækni þegar húsið fór gjörsamlega á stað Það allavega hristist allt og skalf, lækninum stóð ekki á sama og sagðist aldrei hafa fundið svona sterkan skjálfta. Ég var allaveg á réttum stað, ef maður hefði nú dáið úr hræðslu
En allavega fór ég í blóðprufu til að athuga kólestrolið sem er víst ekki alveg uppá sitt besta, svo á ég að fara í svokallaðan Holter sem er sólarhrings hjartalínurit. Vonandi verður þetta bara allt í góðu en sennilega verð ég að fara á einhver kólestról lyf sem að ég losna víst aldrei við En þetta kemur allt í ljós

Um helgina er nóg að gera, en við ætlum að halda uppá afmælin hjá ormunum okkar!! Kamilla Ósk varð 4. ára núna 24.maí og Alma Rún og Bergþór Örn verða 7.ára 12. Júní Kræst hvað þau eru orðin eitthvað gömul Ég ætla að skella Jenna fyrir framan grillið og láta hann grilla pulsur ofan í liðið og svo verður Dóru afmæliskaka fyrir Kamillu en hin fá sínar kökur í bekkjarafmælinu sem að verður síðar Ég ætla ekkert að bjóða uppá mikið meira, einfallt en gott Þið verðið bara að sætta ykkur við það
Á sunnudaginn förum við í sveitaferð með leikskólanum og ef það verður búið snemma þá ætlum við að fara og versla hjól handa Ölmu og Bergór í afmælisgjöf Svo ég á ekki eftir að liggja í leti um helgina

Yfir og út

Pólverji nokkur þurfti að endurnýja ökuskírteinið sitt, þar sem það gamla var útrunnið.

En fyrst þurfti hann að gangast undir augnskoðun hjá augnlækni, áður en sýslumannsembættið léti Pólverjanum í té nýtt ökuskírteini.

 Augnlæknirinn lét hann lesa á spjald með stöfunum    

 

 "C Z W I X N O S T A C Z".

 

?Getur þú lesið þetta?" Spurði augnlæknirinn.

?Lesið þetta?"  Endurtók Pólverjinn.  ?Ég þekki manninn!"

 

Fæturnir á mér eru allir útatðir í helv%%%% flóabitum Ég er gjörsamlega að kálast, en ég er með eitthvað galdra krem en leið og önnur bit skána þá fæ ég bara önnur og þau verstu á milli tánna jakkjakk
Svo í ofanáálag er ég ógeðslega pirruð eitthvað þessa dagana útaf engu og öllu
Ég er að hugsa um að vera kærulaus og fara á heví eurovision djamm og búa mér til töfrateppi, keypti nefnilega efni í það í fríhöfninni og það gengur ekki að láta það renna út uppí skáp

Já Lommel, hehehe

Jú það var bara svaka stuð í Lommel, ég og Jenni vorum fánaberar fyrir íslenska liðið Það var allavega mikið sungið, dansað, drukkið og hjólað. Við unnum 2 leiki af 5 og spilaði Jenni mest allann tímann og var úrvinda á eftir Ég varð reyndar hálf veik á sunnudeginum að drepast úr eyrnabólgu, svo sá dagur var að mestu tekinn undir sæng, svo bjargaði þynnkan mér ekki Það var alltaf alveg hellings stuð í partýbústaðnum sem var nálægt okkur og þar var þó nokkrum tíma eytt í drykkju og djamm Svo er nú ýmislegt sem gerðist ekki prenthæft og ég ætla bara að hafa það þannig hehehehe

                                                   Svona gaman

                                             LOMMEL

Leggjum í hann frá klakanum klukkan átta í fyrramálið Þá er það Amsterdam og svo rútuferð til Belgíu




  Áfram Ísland á DHL eurocup

um helgina erum við skötuhjú að fara á árshátíð DHL á Íslandi Sem sagt vinnustaðnum okkar. Ég held að þetta verði ein sú flottasta árshátíðin til þessa Við skvísurnar úr Tolladeildinni í Keflavík gerðum mynd sem að ég er ekki búin að sjá en ég held að hún verði geggjuð, allavega eigum við eftir að hlæja Við verðum svo á Loftleiðum um nóttina en árshátín er í öskjuhlíðinni svo það er nú ekki langt að fara Eníhú börnin verða á dreif um víkinna hjá ýmsum hahahahaha nei nei segi nú bara svona en þau verða öll á sitthvorum staðnum, reyndar verður Bergþór hér heima með Arnari bró og hans krílum!! Man utd er víst að keppa á morgun og mega þeir frændur alls ekki missa af þessu og greyið Jens verður örugglega grátandi á hótelinu yfir að hafa misst af leiknum

Auðvitað er Mússí Múss mættur í heiminn en það fæddist lítil prins 1.apríl og er hann algjört krútt


Bara fyrir Jenna og Bergþór frændur sín hahahhaha

Já svona eða þannig, þetta er ekki alveg búið að vera minn dagur í dag Ég byrjaði daginn alveg drulluþreytt kl 7 og kom krökkunum á lappir og sagði þeim eldri að labba í frístund (já það var enn einu sinni frí í skólanum og ekki í síðasta sinn í þessari viku) Kom svo Kamillu útí í bíl og við brunum af stað, þegar ég er komin langleiðina þá tek ég eftir að ég gleymdi veskinu mínu heima og sný við og hvað haldið þið að hafið komið fyrir á leiðinni????? Ég lenti í árekstri í beygju hér rétt hjá húsinu okkar og bílinn er talsvert skemmdur en sem betur fer erum við mæðgur allt í lagi

Reyndar gekk vinnudagurinn bara vel og lærði ég fullt nýtt, ég er nefnilega að fara að gera allt annað í september þegar sú sem ég er að leysa af kemur úr barneignafríi Ég er svona að byrja að fylgjast með því og læra og finnst mér það bara spennandi.

Ég var á fullu eftir vinnuna og settist fyrst niður klukkan hálf níu Eldamennskan gekk svona lala en auðvitað náði ég að sletta mjólk um allt af því að þetta var nú ekki minn dagur Maturinn bragðaðist nú samt bara vel og allir borðuðu vel og mikið.

Núna er Billa komin uppá fæðingardeild og verður sett af stað í nótt og ætli það komi ekki bara lítið aprílgabb á morgun oh hvað verður gaman að knúsa litla krúttið

En eitt í lokin: Þegar ég sótti Kamillu á leikskólann þá fórum við að tala um áreksturinn og þá sagði litla músin mín: Mamma við setjum bara STÓRAN plástur á bílinn og þá verður allt í lagi I Wish

Kem með fréttir þegar litla mússí múss mætir

Jamm ég er auðvitað löngu búin að fara á Kick- offið Ástæðan fyrir bloggleysi er ekkert nema leti og ekkert annað

Kick off var geggjað, við byrjuðum á fyrirlestrum í Laugum og þaðan var haldið í Laugardalinn og þar var farið í allkonar leiki, svona hópeflisleiki og var það mjög skemmtilegt. Eftir tvo tíma í drullusvaði og rigningu, skelltum við okkur í heita pottinn í lauginni og svo var gert sig fína fyrir kvöldið. Við fórum á Dómó að borða og var maturinn þar hreint út sagt geggjaður. Hara systur komu svo og sungu fyrir okkur nokkur vel valin lög, þær voru bara þrusu góðar. Við fórum svo yfir á B5 og þar var skellt í sig kampavíni og svo var haldið með rútu í Kef og aðeins kíkt á Paddys og svo bara heim í háttinn Alveg hreint ágætis kveld.

Lífið er búið að ganga sinn vanagang bara með sinn skerf af pestum en ég og Alma Rún fengum streptókokka og núna er Kamilla Ósk heima með pabba sínum en hún er með 39 stiga hita lilla músin mín, jenni er á leið með hana til Læknis á eftir.

Í Maí erum við svo að fara til Lommel með vinnunni á euro-cup DHL og verð ég harður stuðningsmaður en hann í fótboltaliðinu. Það verður örugglega hörku fjör og gaman að ég fái að upplifa þetta líka en Jenni hefur farið 3 áður og skemmt sér konunglega.

Kem með annað blogg fljótlega (ekki samt treysta á það )

Ég er að fara á Kick Off með vinnunni laugardaginn, byrjar 12 á hádegi og endar um eitt um nóttina, þetta er svona hálfgerð óvissuferð

Eigum að taka með útiföt, sundföt og betri föt humm

Gas hvað verður gaman

Síðasta helgi var alveg frábær, á föstudeginum eftir vinnu þá var nú bara slappað af og haft það gott fyrir framan imbann Við kúrðum svo bara á laugardagsmorgninum og svo var aðeins farið í það að taka til!!

Börnunum var svo hent í pössun og við í bónus og auðvitað mjólkurbúðina Við brunuðum svo austur fyrir fjall með dýrindis bollur með okkur Við fórum sem sagt á laugarvatn en þar voru Linda og Ragnar í afslöppun sem að endaði skyndilega með komu okkar Við gúffuðum í okkur bollu og kaffi og svo skelltum við okkur í heita pottinn. Svo var eldað geggjuð lambasteik með öllu tilheyrandi og svo var tekið spil og bjórinn opnaður, sumir voru nú reyndar búnir að opna hann löngu áður Við spiluðum actionary og auðvitað unnum við Linda kallana með glæsibrag Við spjölluðum alveg heilmikið og svo um þrjúleytið var ákveðið að bleyta aðeins uppí líðinu og fara í pottinn, það var notalegt. Við fórum svo að sofa um hálfsex leytið og vöknuðum við Linda um 10 en ákáðum að kúra aðeins lengur og fara aftur uppí og sváfum við til hálf tólf. Þá voru pulsur settar í pottinn og við átum þær með bestu lyst Fljótlega var nú farið og gengið frá og komið sér af stað að ná í ormana

Það gerðist margt fyndið og skemmtilegt en það er best að hafa það allt sem geriðst á Laugarvatni stays there

Krakkarnir vöknuðu eldsnemma í morgun, en Alma var lítið barn, Bergþór var fótboltagaurinn Messi og Kamilla Maríubjalla. Það verður eflaust stuð hjá þeim í dag

Það er voðalega lítið að frétta af mér, lífið gengur bara sinn vana gang þar að segja vinna, éta, sofa

Vildi bara láta aðeins heyra í mér

Jólin eru búin að vera mjög góð á mínum bæ, allir fengu nóg af pökkum og nóg að borða Ég er í vinnunni núna, en svo fæ ég frí á morgun og mæti svo afur 2. janúar. Mér finnst alveg geggjað að fá svona jólafrí en það er mjög langt síðan að það gerðist síðast. Ég þarf allavega ekkert að vinna neina hátíðisdaga þessi jól eða áramót.

 

Gleðileg jól allir sem að lesa og takk fyrir allt það skemmtilega á gamla árinu.

Þetta var á síðunni hjá Beggu frænku

1: Miðnafn þitt?

2: Aldur?

3: Single or taken?

4: Uppáhalds bíómynd?

5: Uppáhalds lag?

6: Uppáhalds hljómsveit?

7:Uppáhalds búð?

8: Tattoo eða göt?

9: Þekkjumst við persónulega?

10: Hver er tilgangurinn með lífinu?

11: Myndiru bakka mig upp í slagsmálum?

12: Myndiru þegja yfir leyndarmáli ef það skipti mig máli?

13: Besta minningin þín um okkur?

14: Myndir þú gefa mér nýra?

15: Segðu eitthvað skrítið um þig?

16: Myndir þú hugsa um mig ef ég væri veik?

17:Getum við hist og bakað köku saman?

18: Hefuru heyrt kjaftasögu um mig nýlega?

19: Talaru eða hefuru talað illa um mig?

20: Finnst þér ég góð manneskja?

21: Myndiru keyra með mér hringinn i kringum landið?

22: Finnst þér ég aðlaðandi?

23: Hverju myndir þú vilja breyta í fari mínu?

24: Í hverju sefurðu?

25: Kæmirðu í heimsókn af tilefnislausu, bara til að chilla?

26: Ef að ég ætti einn dag eftir ólifaðan, hvað myndum við gera saman?

27: Ætlaru að setja þetta á þína síðu svo að ég geti fyllt þetta út?